Euskal Herriko Alboka Historikoen kontzertu honetan, XIX. mende bukaera eta XX. mende hasierako 7 alboka entzuteko aukera izango da. Bilboko Euskal Museoa, Baionako Euskal Museoa, Donostiako San Telmo Museoa, Nafarroako Museo Etnologikoa eta Soinuenea dira alboka hauek utzi dituztenak. Juan Mari Beltran eta Julen Begoña luthierrek zaharberritu dituzte azken hilabeteetan bere funtzioa berreskuratu eta berriro erabilgarri egon daitezen.

Kontzertuan alboken garaiko doinuak joaz parte hartuko duten albokariak hauek dira:

    -Juan Mari Beltran, Soinueneako zuzendari eta etnomusikologoa.
    -Teresa Jareño, Oiartzungo HM Eskolako alboka irakaslea.
    -Julen Begoña, luthier eta albokaria.
    -Fede de Dios, albokaria.
    -Amaia Fuentes, albokaria.