Lan honetan, Oihulari Klown konpainiak bi “pinguino” baldar eta naifen gorabeherak kontatzen ditu. Aldaketa klimatikoak behartutako emigranteak dira, izan ere, zeuden izotz puska beren sorlekutik askatu da eta korronteek gure lurralderaino ekarri dituzte.

Bero handia dute. Eta keinu bidezko umore surrealistarekin, non eldarnioak, baldarkeriak eta porrotak etenaldirik gabe txandakatzen diren, egoerara egokitzen saiatzen dira, eta planetaren erronka global horri aurre egiten.