Bilboloop udazken honetan itzuliko da, Azkena aretoan antolatutako bi jardunaldirekin.

Lehenengoa urriaren 16an, ostirala, izango da, Home Counties talde britainiarraren emanaldiarekin. Rock elektroniko zorrotz eta dantzagarria egiten dute.

Londres ekialdean egoitza duen Home Counties taldeak Humdrum bigarren diskoa aurkeztuko du. LCD Soundsystem eta Hot Chip taldeetako Al Doylek ekoitzi du lana.

Kontzertuari hasiera emateko, Norman Bates Plentziako taldea arituko da. Pop-rockaren eta shoegazearen artean mugitzen da, euskarazko zein gaztelaniazko abestiak eskainiz, guztiak melodia bizi-biziz beteak.