Nekane Pérez de Nanclaresen poesia eta Amaia Santamaríaren musika eta ahotsa uztartzen dituen proposamen artistikoa da Eten. Pausatu, entzun eta emozioen mundua esploratzera gonbidatzen gaituen kontzertu poetikoa da. Bost etapatan zehar, haustura baten ondoren norbere burua berreraikitzeko prozesua eta norberarekin berriz elkartzeko bidea jorratzen ditu. Euskarazko eta gaztelaniazko poema eta abestien bidez, amatasuna, sexu-desira, hutsuneek eragindako dolua, beldurrak eta lotura afektiboen indarra lantzen dituzte artistek. Hitzaren eta musikaren arteko elkarrizketa proposatzen duen pieza intimoa da, zaurgarritasunaz, eraldaketa pertsonalez eta kanpoko presioetatik askatzeko beharraz hausnartzera gonbidatzen gaituena, funtsezkoa den horrekin berriz konektatzeko.