Narrazio grafikoaren kodeei helduta, protesta-kartelarena edo pankartarena bezalako hizkeretara hurbiltzea planteatzen du proposamen honek. Espazio publikoan gorputzaren mugimendua inplikatuko duen antolaketa bat planteatzen da, marrazkiaren lerroaren eta ibilaldiaren arteko konparazio bat eginez eta mapa batean ibilbide bat sortuz. Marrazkiaren, testuaren eta espazio publikoaren arteko konbinazioarekin, ikusleak lanaren aurreko interpretazio propioa egitea proposatzen da funtsean.