Donostiar taldeak 2027ko hasieran laugarren eta azken diskoa argitaratu, eta bira bat egingo du publikoari agur esateko.

Nøgen folk-pop donostiar taldeak bidea amaitu dela iragarri du: 2027ko hasieran "Onak eta txarrak" disko berria argitaratu, eta azken bira abiatuko du.

"Etxera nola heldu" izena izango du agur birak, eta hauek ditu lehen datak: otsailaren 20an Errenteriako Lekuona Fabrikan, otsailaren 27an Bilboko Kafe Antzokian, martxoaren 6an Madrilgo Café La Palman eta maiatzaren 1ean Bartzelonako Razzmatazz 3 aretoan. Bilbo, Madril eta Bartzelonako sarrerak urriak 21ean jarriko dira salgai, eta Errenteriakoak, abenduaren 10ean.