Perotá Chingó La Sinsorgan izango da datorren irailaren 27an, 13:00etan, Pepa Ferreiro musika-kazetariak gidatuko duen zuzeneko elkarrizketa batean. Oso aukera berezia izango da urte hauetan guztietan lagun izan dugun proiektu honen historia, musika eta unibertsoa ezagutzeko eta partekatzeko. Egun berean, gauez, Bilbon ere joko dute, bide batez.

Publiko orokorrarentzako sarrerak irailaren 23an, asteazkenean, eguerdiko 12:00etan jarriko dira salgai. Ordura arte, sarrerak La Sinsorgako bazkideentzat soilik egongo dira eskuragarri.