Barakaldoko Udaleko Gizarte Kohesio eta Aniztasunaren Kudeaketa Arloak erakusketa bat inauguratuko du irailaren 21ean, 18:30ean, udalerrian migratutako pertsonen lan-jarduerari buruz.

Erakusketa honek Barakaldoko bizilagunek egindako argazkiak biltzen ditu, eta irailaren 21etik 30era Gurutzetako Gizarte Etxean bisitatu ahal izango da. Irudiek tokiko merkataritza eta ekintzailetza dute ardatz, eta migratutako pertsonek gure udalerriko auzoetan aurrera ateratzen dituzten negozioen eta proiektuen egunerokotasuna islatzen dute: saltokiak, lanbideak eta bezeroekin eta bizilagunekin duten harremana.