Udalbiltzaren “Geuretik Sortua” egitasmoak hirugarren aldia du. Bi urtez luzatzen da: lehenengoan, sormen-egonaldiak egiten dituzte lau alorretako sortzaileek (literatura, komikigintza, antzerkigintza eta zinemagintza) eta bigarrenean, ezagutarazten dute sortutakoa. 2025. urtean zehar, Euskal Herri osoaren luze-zabalean 30 lan sortu dira proiektu honen baitan, horietako bat Erribera kulturgunean, eta erakusketa honetan zazpi lurraldeetako 46 herritan garatu diren sormen-prozesuak eta bertatik eratorritako lanak egongo dira ikusgai.