Emma Cruz (Susana Abaitua) krisi existentzial betean dagoen abokatu nekaezina da, eta ebatzi gabeko kasu batekin obsesionatzen da: duela hogei urte bi neskatila desagertu ziren modu misteriotsuan. Hasieran jakin-min profesionala besterik ez dena, laster obsesio arriskutsu bihurtzen da, bere trauma pertsonalak areagotuta: txikitan ahizpa hil zitzaion modu tragikoan, eta galera horren errudun sentitu izan da beti.

Herriko itxura itogarri eta klaustrofobikoaren azpian ezkutatutako sekretu aitortezinak argitzeko ahaleginean, Emmak bere mamurik ilunenei aurre egin beharko die. Egia argitzeko egiten duen bilaketa nekaezinak jomugan jarriko du, egia inoiz argitara atera ez dadin edozer egiteko prest daudenen aurrean.

Fitxa teknikoa:

• Zuzendaritza: Agustina Macri, Beatriz Sanchís
• Ekoizleak: Evafilms, EiTB
• Antzezleak: Susana Abaitua, Jorge Bosch, Jon Olivares, Ane Gabarain, Iñigo Gastesi, Iñigo Azpitarte, Eva Llorach, Asier Oruesagasti, Goya Kandido Uranga, Luis Gnecco
• Gidoia: Manuel Gancedo, Eduardo Torallas
• Musika: Aitor Etxebarria
• Muntaketa: Vicky Lammers