Koldo Mitxelena Kulturuneak antolatutako solasaldia, Cómo contar la Historia jardunaldien barruan:

La Historia llevada al cine.

Cómo contar la Historia II jardunaldien lehen saioan, aztertuko da nola lantzen dituen zinemak gertaera historikoak, haien testuinguruak eta protagonistak. Zinegilearekin topaketa-eztabaida egingo da saioan.

Aitor Arregik Sarobe zinema-eskolan ikasi zuen (Urnieta, Gipuzkoa). 2001ean Moriarti ekoiztetxea sortu zuen Asier Acha, Xabier Berzosa, Jon Garaño eta Jose Mari Goenagarekin. Bere filmografian, lan hauek nabarmentzekoak dira: Loreak (2014), Handia (2017), La trinchera infinita (2019), Marco, la verdad inventada (2024), Maspalomas (2025) filmeak eta Cristobal Balenciaga telesaila (2024). Lan hauekin, sari ugari jaso ditu.

Santiago de Pablo Euskal Herriko Unibertsitateko (EHU) Historia Garaikideko katedraduna da. Historiari eta zinemari buruzko hainbat artikulu eta liburu idatzi ditu, baita Euskal Herriaren bilakaera historikoari buruzkoak ere. Zinemarako eta telebistarako hainbat dokumental historikoren gidoigilea edo aholkularia ere izan da. 2009-2010 ikasturtean, ikertzaile gonbidatua izan zen Nevadako Unibertsitateko Euskal Ikasketen Zentroan, Renon (Estatu Batuak).

Partaideak: Aitor Arregi; Santiago de Pablo.

(Hizkuntza: gaztelera)

Ekitaldiaren bideoa ikusi