Zer du kontzertu batek performancetik eta performance batek kontzertutik? Denbora, espazioa, gorputza, entzuleekiko harremana… Kontzeptua hala estetika soila? Entretenimendua? Nola gorpuztu soinu bat? Nola utzi arrasto bat? Ba al da “kantagintza hedatua”, literatura edo zinema hedatua dagoen bezala? Nola hautsi kanonarekin, nora jo soinua adierazteko modu berriak aurkitzeko?

Izan bedi orain bidea helburu.

Biografia

Maite Arroitajauregi Mursego da, edo Mursego Maite Arroitajauregi da. Maitek txeloa jo du hainbat musika talderekin: Anari, Lisabö, Xabier Montoia, Ama Say... Mursego, berriz, bere proiektu pertsonala da. 2009an grabatu eta argitaratu zuen bere lehen diskoa, Bat (I), eta ordutik hona, han eta hemen izan dugu haren berri; izan disko berriekin, soinu-bandeekin (2021ean Goyasaria barne), zuzenekoekin, diziplina anitzeko formatuetan...