Murphyk umorearen giltzarrian eraikitako magia-ikuskizun dotore, ausart eta zorrotza aurkezten du.

David Copperfield mago ospetsuak honakoa adierazi omen du: "Ez dut tipo hau batere ezagutzen". Hala ere, Murphyk, 36 urteko ibilbidearen ondoren, bere efektu magiko gogokoenen bilduma eskaintzen du ikuskizun honetan.

Eszenaratze zainduak, gidoi landuak, publikoarekin sortzen duen konplizitateak eta bere umore bereziak aukera ematen diote Murphyri bere alderdirik ausartena erakusteko, ezustekoz beteriko bidaia batean.

Beraz, ez sinetsi esaten duen guztia, eta ikusten duzunaren erdia baino ez.