Luberri museoan Euskal Herrian induskatutako ehundaka fosil eta mineral dituzte erakusgai. Obra natural horiek behatzeko aukera izateaz gain, informazio panel eta geologo baten azalpenak lagun izango ditu bisitariak, horrela, Euskal Herriko historia geologikoa eraiki eta ulertzeko aukera izango du. Umeentzako eta gaztetxoentzako paleontologia eta mineral tailerrak ere antolatzen dituzte, baita mendi edo hiriko irteera geologikoak ere. Azken horien artean Aiako Harria, San Markos eta Donostia ditugu, baina bestelako eskaerak ere ongietorriak zaizkigu.