Rocío Arjona Arévaloren (Villanueva de Algaidas, Málaga 2002) pintura erakusketa. Granadako Arte Ederretako Alonso Cano Fakultatean hezitako artista bisuala da, bederatzi hilabeteko Erasmus egonaldia egin zuen Accademia di Belle Arti di Roma unibertsitatean, eta gaur egun Pinturako Unibertsitate Masterra egiten ari da Euskal Herriko Unibertsitatean (EHU). Bere prestakuntza tailerrekin aberastu da, Inmaculada Salinas, Paloma Gámez eta Jesús Martínez Labrador artistekin batera, baita LATERAL II azokan Brigada boluntarioen programan parte hartzearekin ere.

 

Nieve, renieve, requetenieve, erakusketa honen izenburuak metaketa aipatzen du, mihisearen gaineko beila-geruza gisa gainjartzen diren geruzak. Haurren jolasaren eta temaren oihartzun ia obsesibo bat dago: behin eta berriz arrazoi berari buruz hitz egitea, falta dena azaleratu arte. 

 

Artelanek irudiaren eta haren itzulpen piktorikoaren arteko tentsioa aztertzen dute, irudikatzen denaren eta ihes egiten duenaren artekoa. Bere argazkiekin egindako lanetik abiatuta, artistak abstrazio, kontraste, istripu eta bat-bateko biraketen bidez pinturarako igarobidea proposatzen du, gauzetatik hautematen duen errelitate anizkunera hurbildu nahian. Berak dionez: “haizea eta horrek paisaian dituen ondorioak bezalako metaforetan laguntzen dit, pintura etengabe mugitzen jarraituko duten erritmoak bilatuz“.

 

Rocío Arjonaren duela gutxiko ibilbidean, sariak jaso ditu, hala nola GranArte 2025 sarietako Mural kategoriako bigarren saria, Granadako Arte Garaikideko XXVII. Lehiaketako bigarren saria eta Getxoko eta Leioako pintura azkarreko lehiaketerako sariak. Erakusketa kolektiboak egin ditu hainbat espazioetan, hala nola Granadako Gran Capitán eta Espacio Lavadero aretoan, Antequerako Santa Clara Kultur Zentroan, Erromako Impact Arten eta Madrilgo El Chico galerian. Horrez gain, FACBA eta FANZ Arte eta Natura Jaialdian parte hartu du.