Nora Aurrekoetxearen aulki bat obra Gorputz geometrikoak erakusketan dagoela eta, Lora Bat. Nora Aurrekoetxea Etxebarria liburuaren aurkezpena egingo da Zabalaga baserrian. Ekitaldia artistaren eta Susana González A Coruñako FMJJ Arte Zentroko
zuzendari eta, Turner argitaletxearen laguntzarekin, monografiaren edizioaren arduradunaren arteko elkarrizketa izango da.

Lora Bat. Nora Aurrekoetxea Etxebarria artistaren ibilbidearen ikuspegi zabala eskaintzen duen monografia da, bere praktikaren ardatz nagusiak artikulatuz. Liburuak instalazioak eraikitzeko modu eskultoriko batetik abiatzen den obra lantzen du, hala
nola espazio erlazionalak bezala, objektuen, espazioaren eta gorputzen arteko ustekabeko interdependentzia-elkarrizketak sortzen dituzten sistemak bezala, esanahi-geruzak sortuz. Bere lanak hizkuntzaren, emozioaren eta ekintzaren arteko tentsioak
aztertzen ditu, eta narratiben ezegonkortasuna erabiltzen du egitura gisa.

Argitalpenak Sonia Fernández Pan-ekin izandako elkarrizketa eta korrespondentzia (Nora Aurrekoetxeari gutuna) biltzen ditu, baita artistaren beraren oharrak ere. Leire Vergararen Textura continua [Testura jarraia] eta Susana Gonzalezen Porque no quiero molestar [Ez dudalako traba egin nahi] saiakerek osatzen dute edizioa, eta bere praktikari hurbilketa kritiko eta poetikoak eskaintzen dizkiote.