Urriaren 31n, zapatua, Gau Baltza ospatuko da Mungian, misterioz, beldurrez eta dibertsioz beteriko egitarauarekin. Landetxo Gunean egingo diren jarduerak 16:00etan hasiko dira eta 04:00ak arte luzatuko dira.

Egitarauan haur eta gazteentzako ginkanak, makillaje-gunea, ibilbide misteriotsua, beldurrezko ipuinak, zonbien festa eta musika izango dira. Horrez gain, Aitor Aurrekoetxearen talo postua ere egongo da, 19:00etatik aurrera. Egitaraua hurrengokoa izango da:

• 16:00: Gazteentzako ginkana.

• 17:00: Umeentzako ginkana.

• 17:00–21:00: Glam Gela, aurpegiak margotzeko gunea.

• 17:00–21:00: Ibilbide Misteriotsua, ausartenentzako esperientzia.

• 17:00–19:00: Reading Light, beldurrezko ipuinak kandelen argitan.

• 19:00–21:00: Zombie Festa, disko-festa eta animazioa.

• 19:00etatik aurrera: Aitor Aurrekoetxearen talo postua.

• 21:00–04:00: DJak eta animazioa SALSEOren eskutik.

Gazteentzako eta umeentzako ginkanetan parte hartu nahi dutenek aldez aurretik izena eman beharko dute, ekitaldiaren kartelean agertzen den QR kodearen bidez edota hurrengo estekan: https://docs.google.com/forms/d/e/1FAIpQLSfM-q8bA3SFaseu0fH-3oJ5g0MQwqE4SxGZVKhe7xtYnischQ/viewform?usp=header

Mungiako Udalak adin guztietako herritarrei zuzendutako aisialdi- eta kultura-jarduerak antolatu ditu, Gau Baltzaren ospakizunaren barruan.