Mallabiak urriaren 23tik 25era ospatuko ditu aurten Urriko Jaiak, Mallabiko Udalak eta Jai Batzordeak antolatuta, herriko hainbat elkarte eta talderen laguntzarekin. Hiru egunez, kultura-, kirol-, musika- eta haur-jarduera ugari izango dira herriko hainbat gunetan, herritarren parte-hartzea sustatzeko eta adin guztietako pertsonei elkartzeko eta gozatzeko aukerak eskaintzeko helburuarekin.

Jaiak urriaren 23an, ostirala, hasiko dira, 16:30ean, buruhandiak eskolatik parkera irtetearekin batera. 17:00etan, haur eta gazteentzako herri-kirolak egingo dira, eta 18:00etan, txupinazoa botako da udaletxeko balkoitik, aurten 25. urteurrena ospatzen duen Satxibu Aisialdi Taldearen eskutik. Ondoren, elizpeko pilota txapelketaren finala, kickboxing eta boxeo gaua, Kolpez Blai batukada eta hanburgesa pintxoen dastaketa izango dira parkean.

Urriaren 24an, larunbata, frontenis maratoia izango da bikoteka, baita haurrentzako duatloia ere. 12:00etatik 15:00etara, Mallabiko IX. Ardau Ferixie egingo da probalekuan, 10 euroko sarrerarekin. Egitarauak herri bazkariarekin jarraituko du eskolako frontoian, eta, arratsaldean, bertso-saioa, Jokai Kantauriren haur-jolasak eta Txorongo txarangaren kale-animazioa izango dira.

Urriaren 25ean, igandea, jaien azken egunean, bakarkako frontenis maratoia eta autoen bosgarren slaloma egingo dira Goitondo Beheko Lau industrialdean. Arratsaldean, haurrek magia-ikuskizunaz gozatzeko aukera izango dute, eta, ondoren, txokolatada egingo da. Bestalde, 17:00etan, mus txapelketa jokatuko da Kontzejuzarrean.

• Mallabiko Urriko Jaiak 2026: egitaraua (pdf)