Zer gertatzen da zirkulu bat marrazki izateari utzi eta gorputz bihurtzen denean? Nola bete dezake karratu batek espazioa eta eskultura? Gorputz geometrikoak erakusketako lanetan oinarrituta, Chillidaren lanen berezko geometria organikoa aztertzeko aukera izango dugu.

Bisitan, artistak oinarrizko forma geometrikoak espazioa sortu eta argiarekin eta hutsarekin hitz egiten duten eskultura bihurtu zituela ikusiko dugu. Tailerrean, marrazkia izango dugu abiapuntu, bi dimentsioetatik hiru dimentsioetara igarotzen saiatzeko, geometria zuzeneko esperientziatik ulertzea ahalbidetuko diguten bolumenak eta egiturak eraikiz.