Txirri, Mirri eta Txiribitonek pailazoak garela ospatu nahi dugu, Kixki, Mixki eta Kaxkamelon izenez duela 50 urte hasi baitzen taldea. Pailazoa, klowna, zirkoan sortu zela diote askok; zoriz sortu omen zen, gainera, eta barrea eragiten duen figura izan da gaur arte. Horixe aldarrikatu nahi dugu ikuskizun honetan. Xelebrekeriez gain, taldearen abesti ezagun batzuk eta ez hain ezagunak abestuko ditugu: “Paristik Natorren”, “Txirri, Mirri eta Txiribiton”, “Altza Pelipe”, eta abar.