1943an Iruñean jaiotako artista nafar honen obrara hurbiltzeko aukera ematen du Xabier Morrás erakusketak. Bere ibilbidea euskal testuinguru kulturalari lotutako arte garaikidearen ekarpen berezi eta konprometituenetako bat da. 

Landa- eta hiri-paisaien bidez, Morrasek desagertzera bideratutako hori babesteko beharra aldarrikatzen du, eta bizi garen inguruetako indarkeria, deserrotzea edo nortasun-galera agerian uzten ditu. Eta hori guztia argazkigintza, collagea, serigrafia eta materialak uztartzen dituen hizkuntza berritzaile baten bidez egiten du. 

Erakusketak funtsezko bi instalazio erreproduzitzen ditu: Cristo amordazado [Kristo ahoa estalita] (1972) eta Iolas-Velasco galeria (1973).

Informazio praktikoa