2026ko Zinema Gaur zikloaren barne.

Zinetrakts animatuak – Antolatu zure amorrua fotogramaz fotograma

Leherkorrak, adierazkorrak eta gaiari zuzen atxikiak: halakoxeak ziren Parisko 68ko maiatzaren inguruan zinetrakts gisa bataiatu ziren filmak; panfleto filmiko militanteak ziren, unean bertan eginak, laborategitik atera orduko jendaurrean proiektatuak izateko.

Tailer honetan aztertu eta ikasiko ditugu animazio esperimentalaren teknika eta baliabide estilistiko zenbait, zinetrakt animatuak egiteko, egungo garaiei lotuak. Stop motion teknika eta material birziklatuak oinarri hartuta, mini-filmak sortuko ditugu modu errazean, borrokarako ukabilen modura, partekatzeko eta zabaltzeko, mobilizazioa gozamena ere izan dadin.